Internet Primate - 1

လက်ရှိ ၂၀၁၁ ခုနှစ်အချိန်တွင် ကမ္ဘာ့လူဦးရေ၏ ၃၀% မျှသောလူသန်းပေါင်း ၂,၀၇၂ မီလီယံသည် အင်တာနက်ကို ကောင်းမွန်စွာအသုံးပြုတက်နေကြပြီဖြစ်သည်။ စာဖတ်သူအနေနှင့်အဝေးရောက်နေသော မိတ်ဆွေသူငယ်ချင်းထံသို့ သတိရကြောင်း အသိပေးရန်မှာလဲ မိနစ်ပိုင်းအတွင်းမှာပင် ကိစ္စပြီးနိုင်သည်။ ပထမကမ္ဘာစစ်ကြီးအကြောင်း၊ ပလိပ်ရောဂါအကြောင်း သိရန်လည်း စာကြည့်တိုက်ထဲတွင် အချိန်များများစားစား သိပ်ပေးရန်မလိုအပ်တော့။ ရှာဖွေလွယ်ကူရန်မလွယ်သော ပစ္စည်းတစ်ခုကို နေထိုင်ရာဝန်းကျင်တွင်လှည့်လည်ရှာဖွေရန်ထက် အင်တာနက်ပေါ်တွင် စာကြောင်းတိုလေးရိုက်ထည့်၍ ခလုတ်တစ်ချက်နှိပ်ရန် စာဖတ်သူ၏အတွေးထဲဝင်ရောက်လာလေ့ရှိလိမ့်မည်။

အင်တာနက်ဆိုသည်မှာ ဘာလိုဆိုလိုသည်။ မည်သူတွေအင်တာနက်ကိုတီထွင်ခဲ့သည်။ အင်တာနက်ဖြစ်ပေါ်လာသည်မှာ ထင်ထားသကဲ့သို့မကြာသေးလှသော ကာလတွင်မဟုတ်ကြောင်း။ ဒါတွေကိုသိရှိရန် ကမ္ဘာ့သမိုင်းပြက္ခဒိန်ကိုပြန်လှန်ကြည့်ရပေမည်။

အင်တာနက်မျိုးစေ့ကိုတူးဖော်ကြည့်ခြင်း

အင်တာနက်အစပျိုးခဲ့သည်မှာ ၆၀ ခုနှစ်များဟုခေါ်ရမည့် စစ်အေးကာလာ ၁၉၆၀-၁၉၆၉ ခုနှစ်များ အတွင်းတွင်ဖြစ်သည်။ အင်တာနက်အခြေတည်ခဲ့သည့်နိုင်ငံမှာ အမေရိကန်နိုင်ငံပင်ဖြစ်သည်။ ထိုအချိန်က အမေရိကန်စီအိုင်အေမှ ကျုးဘာနိုင်ငံအားစစ်ဆင်မှုများပြုလုပ်ရန် (Bay of Pigs) ပြင်ဆင်နေချိန်။ ထို့အပြင် မိုင်ပေါင်း ၉,၀၀၀ ခန့် ပင်လယ်သမုဒ္ဒရာဖြတ်ပြီး ဆင်နွဲသော ဗီယက်နမ်ပထ၀ီနိုင်ငံရေးစစ်ပွဲ ဖြစ်ပွားနေသောအချိန်လည်းဖြစ်သည်။ ကျုးဘာနိုင်ငံရေးပြဿနာ၊ အနုမြူလက်နက်ပိုင်ဆိုင်မှုအတွက်အငြင်းပွားမှု စသည်တို့မှာလဲ နိုင်ငံရေးအခြေအနေကိုအကျဉ်းအကျပ်သို့ ပို့ဆောင်နေသည်။ ဤသို့သော အခြေအနေမျိုးတွင် အမေရိကန်တို့အတွက် စဉ်းစားစရာမှာ သတင်းဆက်သွယ်ရေးပင်ဖြစ်သည်။ အဆိုးဆုံးအခြေအနေများတွင် သတွင်းဆက်သွယ်မှူလိုင်းများပျက်တောင်သွားနိုင်သည်။ ရေဒီယိုဆက်သွယ်မှုများ သုံးမရလောက်အောင်ဖြစ်သွားနိုင်သည်။ သန်းနှင့်ချီသော အမေရိကန်ပြည်သူများကိုလည်း "အခြေအနေအားလုံး ထိန်းကွပ်မှုအောင်မှာရှိနေပါတယ်" ဟုချွေးသိပ်ရန် လိုသေးသည်မဟုတ်ပါလား။

အဖြေကိုအချိန်အတော်ကြာအောင် ရှာမတွေ့ခဲ့ကြ။ အဆုံးတွင် အမေရိကန်အစိုးရသည် အကောင်းဆုံးနှင့် အသင့်တော်ဆုံးသော ပြဿနာဖြေရှင်းနည်းကိုသုံးခဲ့ကြသည်။ ထိုအတွက် အစိုးရဘက်ဂျက်ငွေများ တနင့်တပိုးသုံး လိုက်ခြင်းပင်ဖြစ်သည်။ ၁၉၆၁ ခုနှစ်တွင် မက်ဆာချူးဆက်နည်းပညာတက္ကသိုလ် (Massachusetts Institute of Technology) မှ အင်ဂျင်နီယာတဦးဖြစ်သော Leonard Kleinrock က packet switching နှင့်ပတ်သတ်သောစာတမ်းတစ်စောင်တင်သွင်းလာသည်။ အားနည်းမှုများရှိနေသော ဆက်သွယ်မှု နည်းပညာနယ်ပယ်တွင် ပိုမိုကောင်းမွန်သော ဆက်သွယ်မှုပေးစွမ်းနိုင်သည့် နည်းပညာစာတမ်းဖြစ်သည်။ ဤစာတမ်းကို နောင်တချိန်တွင် အင်တာနက်နည်းပညာဖွံဖြိုးတိုးတက်မှုတွင်မပါမဖြစ်ထည့်သွင်းရမည့် အမေရိကန်သိပ္ပံပညာရှင် Lawrence Roberts ကနှစ်နှစ်ခြိုက်ခြိုက် ထောက်ခံခဲ့သည်။ Lawrence Robert ကပင် အမေရိကန်နိုင်ငံ၏ ကာကွယ်ရေးဖွံ့ဖြိုးတိုးတက်မှုသုတေသန(DARPA -Defense Advanced Research Projects Agency) ကို ယင်းနည်းပြညာစာတမ်းသည် အမေရိကန်တို့ ကြုံတွေ့နေသော သတင်းဆက်သွယ်မှုအခက်အခဲကို ဖြေရှင်းပေးနိုင်သည်ဟုအကြံပေးခဲ့သည်။

၁၉၆၉ ခုနှစ် အောက်တိုဘာ ၂၉ ရက်နေ့တွင် ပါဝင်ပတ်သတ်ခဲ့သောလူများမှအပ မည်သူမှ သတိမထားမိခဲ့သော ပထမဦးဆုံးအင်တာနက်မှတ်တိုင်ကို စိုက်ထူနိုင်ခဲ့သည်။ Stanford University, UC-Los Angeles, UC-Santa Barbara and University of Utah ယူနီဗာစတီလေးခုက packet switching နည်းပညာအသုံးပြု၍ ဆက်သွယ်ရေးကွန်ယက်ချိတ်ဆက်လိုက်နိုင်ခြင်းဖြစ်သည်။ Defense Advanced Research Projects Agency ကထောက်ပံ့ပေးထားသော ARPANET(Advanced Research Projects Agency Network) ကွန်ယက်သည် နောင်တချိန်တွင် အင်တာနက်ဖြစ်လာမည့် မျိုးစေ့ပင်ဖြစ်သည်။

အောက်ပါပုံသည် Charles S. Kline ဆိုသူက ARPANET ကိုသုံးပြီး ကမ္ဘာပထမဆုံးသော ကွန်ယက်သတင်းကိုပေးပုံ့စဉ်က မှတ်တမ်းပုံဖြစ်သည်။ ထိုပထဆုံးသတင်းမှာ "LOGIN" ဖြစ်ပြီး ထိုသတင်းစာကြောင်းပေးပို့နေခိုက် "LO" အပြီးတွင် ကွန်ယက်ဆက်သွယ်မှုမှာပြက်တောက်သွားခဲ့သည်။